ինչպես պատրաստել գինի

https://www.youtube.com/watch?v=ZtCPHvrL7nc

Ինչպեսպատրաստել տնակա  գինի 

Գինեգործությունը արվեստ է, որը սովորելու համար երկար տարիներ են անհրաժեշտ։ Սակայն մեզանից յուրաքանչյուրն էլ կարող է գինի պատրաստել տնային պայմաններում։ Ճիշտ է, դուք գլուխգործոց կամ նոր տեսակներ չեք բացահայտի, բայց ճիշտ մոտեցման դեպքում կարող եք ստանալ ձեր քիմքին հաճո խմիչք։

Պարզվում է, որ տնական գինի պատրաստելն այնքա էլ բարդ գործընթաց չէ եւ անհրաժեշտ է միայն խաղող ու շաքարավազ, ինչպես նաեւ մի փոքր ջանք եւ համբերություն. իհարկե, լավ ըմպելիք պատրաստելու եւ հյուրերին զարմացնելու համար արժե դիմել այս քայլին։

Նախ եւ առաջ պետք է ուշադրություն դարձնել մի կարեւոր հանգամանքի. օգտագործվող տարաները պետք է շատ մաքուր ու լավ չորացված լինեն, այլապես գինու մեջ սունկ կարող է առաջանալ, որն ամբողջովին կփոխի գինու համը։ Բանկաները, կաթսաները, դույլը պետք է կամ ծծումբով ծխահարել, կամ զգուշությամբ տաք ջրով լվանալ եւ լավ չորացնել։ Ի դեպ, մասնագետները խորհուրդ են տալիս չօգտագործել այնպիսի տարաներ, որոնց մեջ նախկինում կաթ է լցված եղել։

Այսպիսով, տնային պայմաններում գինի պատրաստելու համար անհրաժեշտ է10կգ.խաղող եւ 2-3կգ. շաքարավազ։

Պատրաստման եղանակը. խաղողի տերեւներն ու ճյուղերը հեռացնելուց հետո, չլվացած խաղողը պետք է լցնել էմալապատ տարայի մեջ եւ զգուշությամբ ճզմել խաղողը։ Հենց այդ վիճակում խաղողն անհրաժեշտ է թողնել 4-5 օր չոր եւ տաք պայմաններում։ Տարան պետք  է ծածկել մարլայով եւ թողնել, որ խաղողի հյութը «եփվի»։

Այնուհետեւ խաղողի զանգվածը պետք է քամել, իսկ ստացված հյութի մեջ ավելացնել շաքարավազը։ Արդեն կարելի է ապագա գինին լցնել բանկաների մեջ եւ փակել հատուկ կափարիչներով։ Բանկները պետք է դնել տաք եւ չոր տեղնում (24-25 աստիճան ջերմաստիճան) եւ պահել մոտ 21-28 օր։

Ստացված գինի արդեն կարելի է լցնել շշերի մեջ եւ խցանով փակել